“Bayern” ukraynalı futbolçunu istəmir

“Bayern”in “Arsenal”ın futbolçusu Aleksander Zinçenko ilə maraqlandığı haqda məlumatlar var idi.

Komanda.az “German Sky”-a istinadən xəbər verir ki, Münhen təmsilçisinin 27 yaşlı ukraynalı futbolçuya ehtiyacı yoxdur.

Eyni zamanda, “Bayern”in müdafiəçisi Alfonso Deyvislə müqaviləni uzatmaq istədiyi də qeyd edilir.

Almaniya klubu bu yaxınlarda yeni baş məşqçi Vensan Kompani ilə anlaşıb. İndi Münhen komandası heyətini gücləndirməyə çalışır.

Zinçenko 2022-ci ilin yayında “Arsenal”a “Mançester Siti”dən keçib. Meydanın mərkəzində də oynaya bilən müdafiəçinin “topçular”la müqaviləsi 2026-cı ilin ortalarına qədərdir.