“Bayern”lə oyunda taktikamız fərqli olacaq” – Emeri 

“Vilyarreal”ın baş məşqçisi Unay Emeri Çempionlar Liqasında “Bayern”lə qarşılaşacaqları 1/4 finalın ilk oyunu haqqında fikirlərini bölüşüb.

Komanda.az UEFA-nın rəsmi saytına istinadən xəbər verir ki, ispan məşqçi, bu matçda taktikalarının fərqli olacağını söyləyib:

“Bayern” “Yuventus”dan fərqlidir. Təbii ki, güclü komandadır, Çempionlar Liqasını qazanmaq üçün daha bir açıq rəqibdir. “Bayern” fərqli oynayır. Bu səbəbdən, bizim də matçdakı taktikamız fərqli olacaq. Hər kəsin xoşuna gələn də elə budur. Müxtəlif ölkələrə xas olan üslub və fəlsəfi rəqabət.

“Arsenal”, “Mançester Yunayted”, “Çelsi”, “Atalanta” və ya “Yuventus”a qarşı oynayarkən qalib gəlmək şansımız olur. İndi biz “Bayern”ə qarşı mübarizə aparmalıyıq. Döyüşə hazır komandamız və qalib gəlmək şansımız var”.

“Bayern” – “Vilyareal” oyunu aprelin 6-da keçiriləcək və saat 23:00-da başlayacaq.