Hayner növbəti dəfə “Bayern”in prezidenti seçilib

“Bayern”in prezidenti Herbert Hayner növbəti müddətə yenidən bu vəzifəyə seçilib.

Komanda.az xarici KİV-ə istinadən xəbər verir ki, 71 yaşlı funksioner klubun ümumi yığıncağında keçirilən səsvermədə 95,63 faiz səs toplayaraq böyük üstünlüklə qalib gəlib. Onunla yanaşı, vitse-prezident Diter Mayer və vitse-prezidentin müavini Valter Mennekes də öz vəzifələrini qoruyublar.

Herbert Hayner 2019-cu ildən “Bayern”in prezidenti vəzifəsini icra edir və bu müddət ərzində klub həm Almaniyada, həm də beynəlxalq arenada yüksək nəticələr əldə edib.