“Bayern”in keçmiş futbolçusu Premyer Liqa klubuna keçə bilər

“Bayern”in sabiq hücumçusu, hazırda “Bolonya”da çıxış edən Coşua Zirkze karyerasını İngiltərə çempionatında davam etdirə bilər.

Komanda.az “Teamtalk”-a istinadən xəbər verir ki, futbolçunun transferində “Aston Villa” klubu maraqlıdır.

Zirkzenin transferində “Aston Villa”dan başqa, “Mançester Yunayted” və “Arsenal” klubları da maraqlı tərəflərdir. Futbolçunun transfer dəyəri 60-70 milyon avro qiymətləndirilir.

22 yaşlı niderlandlı futbolçu bu mövsüm A Seriyasında 29 oyun keçirib, 10 qol vurub və 3 məhsuldar ötürmə edib.