“Bayern”in hədəfi: “Bayer”in “kabus”u

“Bayern” İtaliya A Seriyası klubunun hücumçusuna göz dikib.

Komanda.az xarici KİV-ə istinadən xəbər verir ki, Avropa Liqasının final matçında (3:0) Leverkuzen “Bayer”inin qapısından üç top keçirən “Atalanta”nın cinah oyunçusu Ademola Lukman Münhen klubunun maraq dairəsindədir.

Nigeriyalı vinger özü də yayda top-kluba keçmək istəyir. Onun transfer dəyəri 25-30 milyon avro qiymətləndirilir.

Lukman əvvəllər Almaniyada “Leyptsiq”də çıxış edib.

26 yaşlı futbolçu ötən mövsüm İtaliya A Seriyasında 31 matçda 11 qol vurub, 7 məhsuldar ötürmə edib.