Almaniya klubu Leao üçün təklif göndərməyə hazırlaşır

“Milan”ın hücumçusu Rafael Leao “Bayern”in transfer siyahısına düşüb.

Komanda.az xarici KİV-ə istinadən xəbər verir ki, Münhen klubu yaxın günlərdə portuqaliyalı futbolçu üçün “Milan”a rəsmi təklif göndərməyə hazırlaşır.

Daha əvvəl yayılan xəbərlərə əsasən, “Milan” Leaonun transferi üçün 120-130 milyon avro aralığında təklifləri nəzərdən keçirməyə hazırdır.

25 yaşlı hücumçu son mövsümdə bütün turnirlərdə 50 oyuna çıxaraq, 12 qol vurub və 13 məhsuldar ötürmə ilə yadda qalıb.