“Bayern”in əsas transfer hədəfi odur – Gələn yay üçün

“Bayern” Leverkuzen “Bayer”inin yarımmüdafiəçisi Florian Virtsin transferini başa çatdırmaq niyyətindədir.

Komanda.az xarici KİV-ə istinadən xəbər verir ki, almaniyalı futbolçu Münhen klubunun gələn yay üçün prioritet transfer hədəfidir.

“Bayern” “əczaçılar”ın oyunçusu üçün 100 milyon avrodan çox pul ödəməyə hazırdır. Bununla belə, Virtsə başqa iddiaçılar da var. Belə ki, münhenlilərin əsas rəqibləri “Real” və “Mançester Siti”dir.

21 yaşlı yarımmüdafiəçi Leverkuzen komandasının heyətində 169 matçda 48 qol vurub və 52 məhsuldar ötürmə edib.