“Bayern”in daha yaxşı çıxış etməsi üçün əlimizdən gələni edəcəyik” – Kompani

“Bayern”in baş məşqçisi Vensan Kompani yeni mövsümlə bağlı gözləntilərini bölüşüb.

Komanda.az xarici KİV-ə istinadən xəbər verir ki, belçikalı çalışdırıcı ilk matçlarda da müsbət məqamlar görəcəyinə ümid etdiyini bildirib:

“Bayern”in keçən mövsümdən daha yaxşı çıxış etməsi üçün əlimizdən gələni edəcəyik. Məşqdə hər kəsdən reaksiya gözləyirəm. Ümid edirəm ki, ilk matçlarda da müsbət məqamlar görəcəyəm”.

Kompani “Bayern”in baş məşqçisi vəzifəsində Tomas Tuxeli əvəzləyib. O, ötən mövsüm “Bernli”ni İngiltərə Premyer Liqasında saxlaya bilməyib. Belçikalı mütəxəssisin rəhbərlik etdiyi komanda yenidən ikinci liqaya düşüb.

“Bayern” ötən mövsüm son 12 ildə ilk dəfə kubok qazana bilməyib, Bundesliqanı 3-cü pillədə başa vurub.