“Bayern”ə görə “Nottingem Forest”ə keçməkdən imtina edib

“Çelsi”nin müdafiəçisi Trevo Çaloba transfer pəncərəsinin son günlərində “Nottingem Forest”ə keçməkdən imtina edib.

Komanda.az xarici KİV-ə istinadən xəbər verir ki, “Çelsi” ingiltərəli futbolçunu 25 milyon funt-sterlinqə satmağa razılaşsa da, Çaloba “Bayern”ə keçmək istədiyi üçün transferdən imtina edib. Nəticədə o, “Çelsi”də qalıb.

Futbolçunun yanvarda klubdan ayrılacağı gözlənilir.

24 yaşlı müdafiəçi İngiltərə klubunun məzunudur. O, “zadəganlar”ın heyətində 63 oyun keçirib, 4 qol vurub və 1 məhsuldar ötürmə edib.