“Bayern” rəsmisindən adı MY ilə hallanan futbolçu haqda açıqlama

“Bayern”in müdafiəçisi Matteys de Liqtin “Mançester Yunayted”ə keçəcəyi haqda söz-söhbətlər davam edir.

Komanda.az “Sky Sports”-a istinadən xəbər verir ki, Münhen klubunda idman direktoru vəzifəsində çalışan Maks Eberl bu məsələ ilə bağlı açıqlama verib:

“De Liqtin “Mançester Yunayted”ə mümkün keçidinin səbəbləri? Vaxtı gələndə bu haqda şərh verəcəm. Hələ vaxtı gəlməyib. Matteys iki mövsümdür burada yaxşı oynayır və buna görə də, bir çox azarkeş onu sevir.  Ancaq qərarların necə verildiyini və oyunçunun özünü necə hiss etdiyini düşünmək lazımdır. İndi Matteys de Liqt “Bayern”in oyunçusu olaraq qalır. Nə qədər ki, bu belədir, o, bizdən bütün dəstəyi alacaq”.

24 yaşlı futbolçunun transfer dəyəri “Transfermarkt” portalı tərəfindən 65 milyon avro qiymətləndirir.