Musialanı Messi və Ronaldo ilə müqayisə etdilər

“Bayern”in idman direktoru Maks Eberl komandanın Camal Musialdan asılılığından danışıb.

Komanda.az “Bayern&Germany”-yə istinadən xəbər verir ki, Münhen klubunun rəsmisi Musialanı Lionel Messi və Kriştiano Ronaldo ilə müqayisə edib:

“Musialadan asılılıq? “Barselona”da Lionel Messi və “Real”da Kriştiano Ronaldonu düşünün. Onlar matçların nəticəsini həll edə bilən böyük oyunçulardır. Biz bilirik ki, Camal da bunu bacarır. Biz onun nə qədər böyük futbolçu olduğunu bilirik”.

Münhen klubu 21 yaşlı hücumameyilli yarımmüdafiəçi ətrafında layihə qurmağa hazırdır. O, müqaviləsini uzatsa, “Bayern” tarixində ən yüksək maaş alan oyunçulardan birinə çevrilə bilər.

Almaniyalı futbolçunun “Bayern”lə hazırkı müqaviləsi 2026-cı ilə qədərdir.