Donnarumma Almaniya klubuna keçə bilər

PSJ-nin qapıçısı Canluici Donnarumma karyerasını Avropanın başqa klubunda davam etdirə bilər.

Komanda.az İtaliya mətbuatına istinadən xəbər verir ki, Manuel Noyerə əvəzləyici axtarışında olan “Bayern” Donnarumma ilə maraqlanır.

25 yaşlı qolkiper gələn il komandasını dəyişə bilər, çünki o, ispaniyalı baş məşqçi Luis Enrikenin etimadını doğrultmur.

Donnarummanın PSJ ilə müqaviləsi 2026-cı ilə qədərdir. Onun bazar dəyəri “transfermarkt” tərəfindən 40 milyon avro qiymətləndirilib.