“Bayern”in Virts planı

Almaniya millisinin və “Bayer”in yarımmüdafiəçisi Florian Virts “Bayern”in maraq dairəsindədir.

Komanda.az xarici KİV-ə istinadən xəbər verir ki, Münhen klubu mübadilə həyata keçirmək istəyir. Belə ki, “Bayern” Virts üçün oyunçusu Paul Vanneri, həmçinin müəyyən məbləğdə pul təklif edə bilər.

Daha əvvəl almaniyalı futbolçunun xidmətində “Mançester Siti”nin və “Real”ın da maraqlı olduğu bildirilirdi. Yarımmüdafiəçinin transfer dəyəri 130 milyon avro qiymətləndirilir.

Virtsin Leverkuzen “Bayer”i ilə hazırkı müqaviləsi 2027-ci ilin yayında başa çatacaq.