“Bayern” “Borussiya”nın futbolçusu ilə maraqlanır

“Bayern” Dortmund “Borussiya”sının futbolçusu Cud Bellingemi transfer etmək niyyətindədir.

Komanda.az xəbər verir ki, bu barədə “Bild” nəşri məlumat yayıb. Xəbərdə, Münhen təmsilçisinin qışda ingilis yarımmüdafiəçini heyətinə qatmaq istədiyi bildirilib.

“Borussiya” gənc ulduzunu komandada saxlamaq istəyir və əzəli rəqibinə satmaq niyyətində deyil.

Bellingem bu mövsüm “Borussiya” ilə 23 oyunda 3 qol vurub, 9 məhsuldar ötürmə edib.