“Bayern” müdafiəçisi ilə yeni müqavilə imzalayacaq

“Bayern”in müdafiəçisi Alfonso Deyvis yaxın vaxtlarda Münhen klubu ilə 2030-cu ilin yayına kimi olan yeni müqavilə imzalayacaq.

Komanda.az xarici KİV-ə istinadən xəbər verir ki, yeni müqaviləyə əsasən kanadalı futbolçunun maaşı illik 15 milyon avro olacaq.

Deyvisin “Bayern”lə hazırkı müqaviləsi bu il iyunun 30-da başa çatacaq. Daha əvvəl onun xidmətində “Real”ın maraqlı olduğu bildirilirdi. “Kral klubu” 24 yaşlı oyunçu ilə azad agent kimi sözləşmə imzalamağı planlaşdırırdı.

Deyvis bu mövsüm bütün turnirlərdə 23 oyun keçirib, 1 qol vurub və 3 məhsuldar ötürmə edib.