“Bayern” Deyvisə əvəzləyici tapıb

“İnter”in sol cinah müdafiəçisi Federiko Dimarko “Bayern”ə keçə bilər.

Komanda.az “Goal”-a istinadən xəbər verir ki, Münhen klubu cari mövsümün sonunda müqaviləsi başa çatacaq Alfonso Deyvisi əvəzləmək üçün potensial variantları araşdırır. Klub “İnter”in oyunçusu Dimarkonun namizədliyinə göz dikib. Transfer gələn ilin yayında baş tuta bilər.

26 yaşlı futbolçunun “İnter”lə müqaviləsi 2027-ci ilin ortalarına qədərdir.