“Bayern” almaniyalı müdafiəçini almaqdan imtina edib

“Bayern” “Bayer”in mərkəz müdafiəçisi Conatan Tanı almaqdan imtina edib.

Komanda.az xarici KİV-ə istinadən xəbər verir ki, “Bayern” Ta ilə maraqlanmaqda davam edib, lakin müqavilənin 2025-ci ildə baş tutacağı ehtimalı az olub. Buna görə də, münhenlilər artıq 28 yaşlı futbolçu ilə maraqlanmırlar.

Almaniyalı müdafiəçi ötən yay Münhenə köçməyə hazır olub, lakin “Bayern” rəhbərliyinin imtinası transferin baş tutmasına mane olub.

Conatan Tanın “Bayer”lə müqaviləsi mövsüm başa çatdıqdan sonra bitəcəyi üçün, iyulda o, azad agent kimi klubunu dəyişə biləcək.