“Bayer” rəsmisi Xabi Alonsonun klubdakı gələcəyindən danışıb

“Bayer”in idman direktoru Saymon Rolfes ispaniyalı mütəxəssis Xabi Alonsonun Leverkuzen klubunda gələcəyi ilə bağlı sualı cavablandırıb.

Komanda.az xarici KİV-ə istinadən xəbər verir ki, o, bu mövzu ilə bağlı sakit qaldığını bildirib:

“Mən sakit və nikbin qalıram. Məşqçilər üçün ən önəmlisi onların özlərini rahat və doğru yerdə hiss etmələridir. Alonso bunu dəfələrlə deyib”.

42 yaşlı baş məşqçi 2022-ci ildən “Bayer”ə rəhbərlik edir.

Almaniya çempionatının 23 turundan sonra “Bayer” 61 xalla turnir cədvəlinə başçılıq edir.

“Bayer” Avropa Liqasının 1/8 final mərhələsində “Qarabağ”ın rəqibidir.