“Bayer” “Liverpul”un keçmiş futbolçusu ilə danışıqlar aparır

“Bayer” “Liverpul”un keçmiş müdafiəçisi Joel Matiplə əlaqə saxlayıb.

Komanda.az xarici KİV-ə istinadən xəbər verir ki, “əczaçılar” kamerunlu futbolçunu adı “Bayern”lə yanaşı hallanan Conatan Tanın yerinə prioritet namizədlərdən biri kimi müəyyən ediblər.

“Bayer” və Matip arasında çox müsbət danışıqlar aparılıb, lakin tərəflər hələlik əməkdaşlıq şərtləri ilə bağlı şifahi razılığa gəlməyib.

Matipin karyerasını davam etdirmək üçün başqa variantları olsa da, “Bayer”ə keçməyi daha çox istəyir.

32 yaşlı futbolçu 2016-cı ildən “Liverpul”da çıxış edib və bu yay azad agent olub.