“Liverpul”u nə çempionatda, nə də Avropa Liqasında izləmişəm” – “Qarabağ”ın qapıçısı

“Qarabağ”ın qapıçısı Andrey Lunyov “Bayer”in, yoxsa “Liverpul”un daha güclü olduğu sualını cavablandırıb.

Komanda.az xəbər verir ki, rusiyalı futbolçu Sergey Tırtışnının “yutub” kanalına açıqlamasında bunu deyib:

“Bayer” indi “Liverpul”dan güclüdür? Düzünü desəm, “Liverpul”u nə çempionatda, nə də Avropa Liqasında izləmişəm. Ona görə də, bunu demək çətindir. Nəticələrə görə, onlarda hər şey qaydasındadır”.

“Bayer” 25 oyunda 67 xal toplayaraq Almaniya çempionatının turnir cədvəlinə başçılıq edir. “Liverpul” İngiltərə çempionatında 28 oyundan sonra 64 xalla ikinci yerdədir.