“Bayer” Alonsonu əvəz edəcək məşqçini tapıb

“Bayer” klubu artıq gələcəkdə baş məşqçi Xabi Alonsonu kimin əvəzləyəcəyini düşünür.

“Real” ispaniyalı mütəxəssisə əsas namizəd hesab olunur. “Kral klubu” Alonsonu Karlo Ançelottinin ideal varisi kimi görür.

Komanda.az xarici KİV-ə istinadən xəbər verir ki, Leverkuzen klubu Alonsoya potensial əvəzləyici tapıb. Belə ki, bu, “Ştutqart”dan Sebastyan Hönes ola bilər. “Əczaçılar”ın qısa siyahısına 42 yaşlı mütəxəssis başçılıq edir.

Hönesin “Ştutqart”la müqaviləsində 7-8 milyon avro təzminat bəndi nəzərdə tutulub. Almaniyalı çalışdırıcını istəyənlər məhz bu məbləği ödəməli olacaq. Ona İngiltərə klublarından da maraq var.