“Barselona” kimi komandanı bu vəziyyətdə görmək çox ağrılıdır”

“Bavariya”nın keçmiş futbolçusu Lotar Matteus Çempionlar Liqasının 1/4 finalında sabiq komandasının “Barselona”nı 8:2 hesabıyla məğlub etməsiylə bağlı fikirlərini bildirib.

Komanda.az xəbər verir ki, “Sky Sports”a danışan Matteus, qarşılaşmayla bağlı bunları deyib:

“Barselona” kimi komandanı bu vəziyyətdə görmək çox ağrılıdır. “Bavariya”nı favorit hesab edirdim, amma belə də yox. Onların “Barselona”ya 8 qol vuracağını düşünməzdim. Altı qolluq fərq meydandakı oyunda da hiss olunurdu. “Barselona”da baş məşqçinin dəyişdirilməsi kifayət deyil, komandaya yeni futbolçular lazımdır. Amma inanmıram ki, çox pul xərcləyə bilsinlər”.