“Meydana çıxırsansa, hər zaman komandan üçün ən yaxşısını etməlisən” – Levandovski

“Bavariya”nın futbolçusu Robert Levandovski Bundesliqanın 26-cı turunda “Ştutqart”ı məğlub etdikləri oyundan sonra fikirlərini bildirib.

Komanda.az xəbər verir ki, klubun mətbuat xidmətinə danışan polşalı hücumçu, 4:0 hesabıyla qələbə qazandıqları görüşü belə şərh edib:

“Meydana çıxırsansa, hər zaman komandan üçün ən yaxşısını etməlisən. Bu gün planlaşdırdığımız qələbəni qazandıq. Azlıqda qaldıqdan sonra da yaxşı oynadıq. Qırmızı vərəqə bizi daha da ruhlandırdı. Bəzi epizodlarda çətinliklər oldu. İlk qoldan sonra da hücumlarımızı artırıb, qollar vurmaq istədik və bunu bacardıq”.

Levandovski “Ştutqart”la oyunda het-trik edib.