Flik “Verder” zəfərini şərh etdi

“Bavariya”nın baş məşqçisi Hans-Diter Flik Bundesliqanın 25-ci turu çərçivəsində səfərdə “Verder”i məğlub etdikləri matçdan sonra fikirlərini bildirib.

Komanda.az xəbər verir ki, klubun mətbuat xidmətinə danışan Flik, 3:1 hesabıyla qələbə qazandıqları görüşü belə şərh edib:

“Daha böyük hesabla qələbə qazana bilərdik. Planlaşdırdığımız hər şeyi reallaşdırdıq. Meydanda yaxşı mövqe tutduq və rəqibə təzyiq göstərdik. Dəyərləndirə bilmədiyimiz fürsətlər məni əsəbiləşdirir. Rəqibin qol vurmasına imkan verdik. Buna baxmayaraq, nəticədən çox məmnunam. Komandam tərifə layiqdir”.