“Bavariya”da iki ciddi itki

Almaniyanın “Bavariya” klubu ciddi itkilərlə üzləşib.

Komanda.az xəbər verir ki, Münhen təmsilçisinin üzvlərindən Xavi Martineslə Jerom Boatenq sıradan çıxıb.

Onların hər ikisi Bundesliqanın 10-cu turunda “Leyptsiq”lə ev oyununda (3:3) zədələnib.

Martines qarşılaşmanın əvvəlindəcə zədələnərək 25-ci dəqiqədə əvəzlənmişdi. Boatenq isə 84-cü dəqiqədə əvəzlənmək məcburiyyətində qalmışdı.

Baş məşqçi Hansi Flikin yerli mətbuata verdiyi məlumata görə, futbolçuların durumuna ətraflı tibbi müayinədən sonra aydınlıq gələcək.