“Bavariya” 20 milyon avroya müdafiəçi alır

“Bavariya” klubu qış transfer pəncərəsi dövründə heyətini yeni futbolçu ilə gücləndirmək istəyir.

Komanda.az xəbər verir ki, Münhen təmsilçisi “Marsel”dən Bubakar Kamaranı heyətinə cəlb etmək niyyətindədir. Bu barədə Fransa mətbuatı məlumat yayıb. Xəbərdə, tərəflərin 20 milyon avro qarşılığında razılaşacağı bildirilib.

“Bavariya” yayda 21 yaşlı müdafiəçini transfer etmək istəsə də, Liqa 1 klubu ilə razılaşa bilməmişdi.

“Marsel”lə 2022-ci ilin yayına qədər müqaviləsi olan Bubakar, bu mövsüm 16 oyunda iştirak edib.