“Bavariya” futbolçusunu cəzalandırdı – Döyməyə görə

“Bavariya” futbolçusu Korentin Tolissonu əsas komandadan uzaqlaşdırıb.

Komanda.az Almaniya mətbuatına istinadən xəbər verir ki, buna futbolçunun döymə elətdirməsi səbəb olub. Koronavirusla bağlı qaydaları pozaraq döymə elətdirən 26 yaşlı futbolçu əsas komandadan uzaqlaşdırılıb və ona pul cəzası verilib. Klubun idarə heyətinin sədri Karl-Haynts Rummenigge də məlumatı təsdiqləyib və futbolçunun cərimə müqabilində verəcəyi pulu xeyriyyə təşkilatına bağışlayacaqlarını açıqlayıb.

Fransalı futbolçu cari mövsümdə Bundesliqada 12 oyunda iştirak edib.