“Barselona”ya qayıda bilərdim, amma…” – Messi

“İnter Mayami”nin hücumçusu Lionel Messi “Barselona”ya mümkün qayıdışına münasibət bildirib.

Komanda.az “Ekip” nəşrinə istinadən xəbər verir ki, argentinalı hücumçu Kataloniya klubuna qayıtmağın mümkün olmadığını deyib:

“Barselona”ya qayıda bilərdim, amma bu baş vermədi. Mən həmişə istədiyim kimi qayıtmaq, həyatımı, karyeramı orada bitirmək haqqında düşünürdüm. Amma… bu, mümkün deyil”.

Messi 2004-2021-ci illərdə “Barselona”da çıxış edib. O, ümumilikdə İspaniya klubunda 778 oyun keçirib, 672 qol vurub və 303 məhsuldar ötürmə verib.

Oktyabrın 31-də 36 yaşlı argentinalı futbolçu 8-ci dəfə “qızıl top”u qazanıb.