Reşford mövsümün ilk matçını buraxa bilər

“Barselona”nın yeni transferi Markus Reşford La Liqanın ilk turunda meydana çıxmaya bilər.

Komanda.az “Mundo Deportivo”-ya istinadən xəbər verir ki, ingiltərəli futbolçunun həmin vaxta qədər qeydiyyatdan keçməsi böyük ehtimalla mümkün olmayacaq.

Hazırda klubun əsas prioriteti digər yeni transfer – əsas qapıçı olması planlaşdırılan Xuan Qarsiyanın qeydiyyatıdır.

Reşford “Mançester Yunayted”dən satınalma hüququ ilə icarəyə götürülüb. 27 yaşlı vinger “Barselona”nın 4 yoxlama oyununda 1 qol və 1 məhsuldar ötürmə ilə yadda qalıb.

“Barsa” avqustun 16-da La Liqanın ilk turunda səfərdə “Malyorka” ilə qarşılaşacaq.