“Barselona”nın yeni transferi ilk tur matçını buraxacaq

“Barselona”nın yarımmüdafiəçisi Dani Olmo yeni komandasında debüt etməyə hazırlaşır.

Komanda.az xarici KİV-ə istinadən xəbər verir ki, “Barselona” Olmonu qeydiyyatdan keçirə bilməyib, ispaniyalı futbolçu “Valensiya” ilə La Liqanın ilk turunun (17 avqust) matçını buraxacaq.

Kataloniya klubunun yeni oyunçusu çox güman ki, “Atletik”lə 2-ci tur matçında (24 avqust) meydana çıxacaq. Olmonun transferi “Barselona”ya bonuslar nəzərə alınmasa, 55 milyon avroya başa gəlib.

26 yaşlı futbolçu ötən həftə “Leyptsiq”dən keçərək, Kataloniya nəhənginin sıralarına qoşulub.