Xavi: “O, xarakteri və oyuna baxış tərzinə görə “Barselona”ya çox uyğun gəlir”

“Barselona”nın sabiq futbolçusu Xavi, Almaniya yığmasında baş məşqçi postundan ayrılacağını açıqlayan Yoahim Lövlə bağlı açıqlama verib.

Komanda.az xarici mətbuata istinadən xəbər verir ki, Xavi, alman mütəxəssisin oyun tərzinin “Barselona”ya uyğun olduğunu deyib:

“Löv böyük məşqçidir. Gözə xoş gələn hücum futbolu oynadır və bu yolla dünya çempionatını qazanıb. O, Almaniyada fərqli futbol anlayışı yaradıb. Bu, mənə İspaniya və “Barselona”lı günlərimi xatırladır. O, xarakteri və oyuna baxış tərzinə görə “Barselona”ya çox uyğun gəlir”.

Löv AÇ-2020-dən sonra Almaniya yığmasından ayrılacağını açıqlayıb.