“Barselona”nın sabiq futbolçusu İtaliya klubu ilə müqavilə bağladı

“Barselona” ilə müqaviləsi başa çatan Serji Robertonun yeni klubu müəyyənləşib.

Komanda.az xarici KİV-ə istinadən xəbər verir ki, ispaniyalı yarımmüdafiəçi karyerasını İtaliya A Seriyasına yeni yüksələn “Komo”da davam etdirəcək. O, yeni klubu ilə 2 illik müqavilə imzalayıb.

Serji Roberto “Barselona”nın yetirməsidir. İspaniya millisinin sabiq üzvü Kataloniya təmsilçisinin heyətində meydana çıxdığı 373 rəsmi matçda 19 qol və 43 məhsuldar ötürmə ilə yadda qalıb.