Ter Ştegenin böyüməsinə səbəb olan məğlubiyyət

“Barselona”nın qapıçısı Mark-Andre ter Ştegen Çempionlar Liqasının 2019/20 mövsümünün 1/4 finalında “Bayern”ə böyük hesablı (2:8) məğlubiyyəti xatırlayıb.

Komanda.az “Barca Universal”-a istinadən xəbər verir ki, alman qolkiper bu məğlubiyyətin onun böyüməsinə kömək etdiyini söyləyib:

“Məğlubiyyət çox ağrılı oldu, amma bu, mənim şəxsən böyüməyimə kömək etdi. Belə çətin anlarda siz irəliyə doğru addım atmalısız. Yoxsa, sən “Barselona” kimi komandada oynamağa layiq deyilsən. Bu addımı atan və daha da yetkinləşən oyunçularımız var idi”.

31 yaşlı qapıçı avqustun sonunda kataloniyalılarla 2028-ci ilin yayına qədər nəzərdə yeni müqavilə imzalayıb. O, 9 mövsümdür İspaniya təmsilçisinin heyətində çıxış edir.