“Barselona” qışda “yatacaq”, yayda “oyanacaq”

İspaniyanın “Barselona” klubunun qış fasiləsi üçün transfer planları bəlli olub.

Komanda.az İspaniya mətbuatına istinadən xəbər verir ki, Kataloniya klubu qış transfer pəncərəsi dövründə heyətinə yeni futbolçular cəlb etməyəcək. Klub mövsümün ikinci yarısını da mövcud heyətlə oynamağı planlaşdırır.

Yayda transferlərə böyük sərmayə qoyduğunu düşünən klub rəhbərliyi, qışı “sakit” keçirməyi hədəfləyir və artıq yayda ediləcək keçidlər üzərində işləyir. Katalonların əsas məqsədi mərkəzə yeni forvard cəlb etməkdir. Eyni zamanda, klubun yay transferləri mövsümün sonunda komandanı tərk etmək ehtimalı olan baş məşqçi Ernesto Valverdedən də asılıdır.