“Hörmət qazanmağın tək yolu qalib gəlməkdir” – “Barselona”nın baş məşqçisi

“Barselona”nın müvəqqəti baş məşqçisi Sergi Barjuan Çempionlar Liqasında Kiyev “Dinamo”suna (Ukrayna) qarşı keçirəcəkləri oyundan əvvəl fikirlərini bildirib.

Komanda.az xəbər verir ki, Barjuan, qələbə qazanmaq istədiklərini söyləyib:

“Barselona”nın hədəfi hər zaman qələbə qazanmaqdır. Hazırda çətin dövrlərdən keçirik. Buna baxmayaraq, qələbələrimizi sıralamalıyıq. Hörmət qazanmağın tək yolu qalib gəlməkdir. Qələbə futbolçular üçün yaxşı motivasiya olacaq.

“Barselona”da futbolçu kimi çıxış etmişəm, indi də baş məşqçiyəm. Bu klubda olmaq bir şərəfdir. Vaxtım azdır, əlimdən gələn hər şeyi etməyə çalışacam.

Futbolçularım təzyiq altında oynamağa öyrəşiblər. “Dinamo” ilə matç xüsusi olacaq. Hər şey öz əlimizdədir. Öz futbolumuzu oynamalıyıq. Komanda şəklində oynayıb, ələ düşən imkanları dəyərləndirməliyik”.

Bu gün keçiriləcək “Dinamo” – “Barselona” matçı saat 00:00-da başlayacaq.