“Bu transfer reallaşsa, Koutinyo yüksəlişə keçəcək”

“Barselona”nın keçmiş futbolçusu Rivaldo, Filippe Koutinyonun gələcəyiylə bağlı açıqlama verib.

Komanda.az xarici mətbuata istinadən xəbər verir ki, keçmiş hücumçu, Koutinyonun Premyer Liqaya getməli olduğunu deyib:

“Koutinyonun “Çelsi”yə getməsi üçün yaxşı şansı var. Bu, onun üçün yaxşı seçim olacaq. Koutinyo uzun müddət oynadığı və yaxşı bildiyi bir çempionata gedəcək. Bu transfer reallaşsa, Koutinyo yüksəlişə keçəcək. Son zamanlarda onun çıxışını yaxşı qiymətləndirmirlər. Ancaq o, Premyer Liqaya gedərək, özünü tapa və əvvəlki formasına qayıda bilər”.

Müqavilə ilə “Barselona”ya məxsus olan Koutinyo, icarə əsasında “Bavariya”da çıxış edir.