“Barselona” son mövsümdə çox yaxşı çıxış etdi”

“Barselona”nın sabiq müdafiəçisi Tomas Vermalen komandanın hazırkı səviyyəsi ilə bağlı fikirlərini bölüşüb.

Komanda.az xarici KİV-ə istinadən xəbər verir ki, o, Kataloniya klubunun yaxşı çıxış etdiyini söyləyib:

“Mən Avropa futbolunu yaxından izləyirəm. “Barselona” son mövsümdə çox yaxşı çıxış etdi, o cümlədən Çempionlar Liqasında. Komandada gənc futbolçuları izləmək çox xoşdur, onlar inanılmaz dərəcədə istedadlıdırlar. Onların inkişafını izləmək getdikcə daha maraqlı olur”.

Vermalen 2022-ci ildə karyerasını başa vurub. Sabiq futbolçu 2014-2019-cu illərdə “Barselona”da çıxış edib.

Kataloniya klubu son mövsümdə La Liqa, İspaniya kuboku və İspaniya superkubokunu qazanıb. Komanda Çempionlar Liqasının yarımfinal mərhələsinə yüksəlib, lakin burada “İnter”ə uduzub.