Klub prezidenti: “Barselona”nın heyəti hazırda çox rəqabətcildir”

“Barselona”nın prezidenti Xuan Laporta komandanın heyətində ən yaxşı futbolçuları görmək istədiyini bildirib.

Komanda.az “sport.es”-ə istinadən xəbər verir ki, klub prezidenti güclü komandalarının olduğunu deyib:

“Mən istəyirəm ki, bizdə ən yaxşısı olsun. Həmişə Joao Feliksi çox bəyənmişəm. “Barselona”nın heyəti hazırda çox rəqabətcildir. İlk gəldiyimiz vaxtdan daha güclü komandamız var. Pedrini, Qavini, Baldeni, Robert Levandovskini və Rafinyanı kim sevməz, deyin mənə?”

Laporta 2021-ci ilin yazında “Barselona”da keçirilən prezident seçkilərində qalib gəlib.

Kataloniyalılar ötən mövsüm İspaniya çempionu olublar və ölkə superkubokunu qazanıblar.