“Barselona” “Ayaks”ın futbolçusu ilə maraqlanır

“Barselona” “Ayaks”ın sağ cinah müdafiəçisi Devin Renşlə maraqlanır.

Komanda.az xarici KİV-ə istinadən xəbər verir ki, Kataloniya klubunun baş məşqçisi Hans-Diter Flik komandada həmin mövqedə kifayət qədər futbolçunun olmadığını düşünür.

Renşin Niderland klubu ilə müqaviləsi gələn ilin yayında başa çatacaq. Yeni müqavilənin imzalanması ilə bağlı hələlik yekun qərarın verilmədiyi vurğulanır.