“Barselona”nın göstərdiyi oyun gözlədiyimiz səviyyədə deyil” – Pike

“Barselona”nın sabiq müdafiəçisi Jerar Pike Kataloniya klubunun hazırkı durumu ilə bağlı fikirlərini bölüşüb.

Komanda.az AS nəşrinə istinadən xəbər verir ki, o, həmçinin hazırkı baş məşqçi Xavini komandaya ən uyğun məşqçi hesab etdiyini bildirib:

“Barselona”nın göstərdiyi oyun belə bir klubdan gözlədiyimiz səviyyədə deyil. “Barselona” üçün tələblər mümkün qədər yüksəkdir. Komandanın nəticələri o qədər də pis olmasa da, oyundan alınan hisslər heç də yaxşı deyil.

Bununla belə, mən Xaviyə yüz faiz güvənirəm. O, evdədir, klubda nə lazımdırsa, edir. Xavi vəziyyətə tam nəzarət edir və onu necə dəyişdirəcəyini bilir. Biz sadəcə ona güvənməliyik”.

La Liqanın 13 turundan sonra Xavinin komandası 30 xal toplayıb və hazırda 3-cü pillədə qərarlaşıb.