“Barselona”nın hücumçusu ərəblərin təklifini rədd edib

Vitor Roke qış transfer pəncərəsində “Barselona”nın heyətinə qatılıb. Lakin gənc futbolçu hələ də Kataloniya klubunda özünü yaxşı tərəfdən göstərə bilməyib.

Komanda.az xarici KİV-ə istinadən xəbər verir ki, Səudiyyə Ərəbistanı klubu braziliyalı futbolçu ilə maraqlanır. Amma 19 yaşlı forvard “Əl-Hilal”ın təklifini rədd edib.

Roke “Barselona”nın heyətində 16 rəsmi oyun keçirib, 2 qol vurub. Daha əvvəl bildirilmişdi ki, “Barsa” onun transferindən ən azı 40 milyon avro gəlir əldə etmək istəyir.