“Oyun səviyyəmizi qaldırmalıyıq, yoxsa…” – Buskets

“Barselona”nın futbolçusu Serxio Buskets La Liqanın 6-cı turunda “Vilyarreal”ı məğlub etdikləri oyundan sonra fikirlərini bildirib.

Komanda.az xəbər verir ki, “Marca” nəşrinə danışan Buskets, 2:1 hesabıyla qalib gəldikləri oyunu belə şərh edib:

“Qranada” ilə oyunda yaxşı təsir bağışlamadıq. “Vilyarreal”ı məğlub etməliydik, çünki artıq çox xal itirirdik. Oyun səviyyəmizi qaldırmalıyıq, yoxsa bizim üçün çox çətin mövsüm olacaq”.

“Barselona” La Liqada 6 oyuna 10 xal toplayıb.