“Hər birimiz günahkarıq” – “Barselona”nın futbolçusu

“Barselona”nın futbolçusu Serxio Buskets La Liqanın 11-ci turunda “Rayo Valyekano”ya uduzduqları oyunu şərh edib.

Komanda.az xəbər verir ki, ispan yarımmüdafiəçi, 0:1 hesabıyla bitən matçla bağlı bunları deyib:

“Oyun bu mövsüm yaşadıqlarımızı göstərdi. Madrid səfərində çətin olacağını bilirdik. Rəqibin qolunda səhvim var idi. Onlara hədəfə düşmələri üçün imkan verdim.

Yaxşı imkanlarımız da oldu, ancaq şanssız olduq. Özümüzə inanmalı və daha diqqətli olmalıyıq. Son matçlarda yaxşı oynasaq da, nəticə ədə edə bilmirik.

Ümumi götürsək, açığı, çox pis durumda deyilik. Hamımız bir gəmidəyik. Hər birimiz günahkarıq. Udan da, uduzan da bizik. Biz bir komandayıq. Bunu hər oyunda sübut etməliyik”.