“Barselona”nın futbolçusu “Arsenal” yolunda

“Barselona”nın futbolçusu Neto karyerasını İngiltərədə davam etdirməyə yaxındır.

Komanda.az xəbər verir ki, 31 yaşlı qapıçı “Arsenal”a keçə bilər. Bu barədə “Mundo Deportivo” məlumat yayıb. Neto “Barselona”da oyun praktikasının azlığından şikayətçidir və yayda klubdan ayrılacaq.

“Arsenal” braziliyalı qapıçının transferi üçün “Barselona”nın nümayəndələri ilə danışıqlara başlayacaq.

2019-cu ilin yayından “Barselona”da çıxış edən Neto bu mövsüm 11 oyuna çıxıb. Onun klubla müqaviləsi 2023-cü ilin yayına qədərdir.