“Güclü rəqiblərə qarşı təsirli oluruq” – “Barselona”nın futbolçusu

“Barselona”nın yarımmüdafiəçisi Mark Kasado komandanın Hans Diter Flikin rəhbərliyi altında oynadığı futbolun effektivliyindən danışıb.

Komanda.az “Barca Universal”-a istinadən xəbər verir ki, ispaniyalı futbolçu güclü rəqiblərə qarşı təsirli olduqlarını deyib:

“Biz başa düşdük ki, oyunçu seçimimiz və oyun üslubumuz bizə vacib matçlarda qalib gəlməyə imkan verir. Güclü rəqiblərə qarşı təsirli oluruq. Ümid edirəm ki, bu belə davam edəcək”.

“Barselona” cari mövsümdə “Real” və “Bayern”i məğlub edə bilib, ancaq son vaxtlar daxili çempionatda nəzərəçarpacaq dərəcədə zəif olan rəqiblərlə matçlarda müntəzəm səhvlər etməyə başlayıb.

Flikin yetirmələri yanvarın 8-də İspaniya superkubokunun yarımfinalında “Atletik”lə qarşılaşacaq.