“Son oyunda qələbə qazanmaq vacib idi” – Kuman

“Barselona”nın baş məşqçisi Ronald Kuman La Liqanın 38-ci – sonuncu turu çərçivəsində “Eybar”a qarşı keçirdikləri səfər matçını (1:0) şərh edib.

Komanda.az xəbər verir ki, AS nəşrinə danışan Kuman, çempionatın son turunda qələbə qazanmağın vacib olduğunu bildirib:

“Son oyunda qələbə qazanmaq vacib idi. İstirahətə yaxşı əhval-ruhiyyə ilə gedirik. “Eybar” oyuna yaxşı başladı və Frenki de Yonq müdafiədə oynamaq məcburiyyətində qaldı. Qol imkanları yaratmaqda çətinlik çəkdik. İrəli getmək əvəzinə, arxada qalırdıq. Əvəzetmələrdən sonra oyunun gedişatı dəyişdi və qələbə qazandıq”.

“Barselona” La Liqada mövsümü üçüncü sırada bitirib. Yarışın çempionu isə “Atletiko” olub.