“Biz üç xal qazandıq, görək, “Real” nə edəcək” – Setyen

“Barselona”nın baş məşqçisi Kike Setyen La Liqanın 31-ci turunda “Atletik”i məğlub etdikləri oyundan sonra fikirlərini bildirib.

Komanda.az xəbər verir ki, “Marca” nəşrinə danışan Setyen, 1:0 hesabıyla qələbə qazandıqları oyunu belə şərh edib:

“Asan olmadı. Çevik və daha diqqətli olmalıyıq. La Liqa yenidən bərpa olunandan bəzi çatışmazlıqlar var. Bunlar da mövsümün gedişində düzələcək. Digər oyunlarda olduğu kimi, bu matçda da qalib gəlməliydik. Səhvlərimiz nə qədər az olsa, bir o qədər yaxşı olar. Biz üç xal qazandıq, görək, “Real” nə edəcək”.

“Barselona” hazırda La Liqada 68 xalla liderdir. İkinci pillədə isə bir oyun az keçirən “Real” var. “Real” 31-ci tur çərçivəsində bu gün “Malyorka” ilə qarşılaşacaq. Görüş saat 00:00-da start götürəcək.