“Barselona” VAR-ın hesabına qələbə qazandı”

“Barselona”nın baş məşqçisi Kike Setyen İspaniya La Liqasının 27-ci turunda “Real Sosyedad”ı məğlub etdikləri matçdan sonra fikirlərini bildirib.

Komanda.az xəbər verir ki, Setyen, 1:0 hesabıyla qələbə qazandıqları görüşü belə şərh edib:

“Çətin olacağını bilirdik. “Real Sosyedad” İspaniya kubokunun finalçısıdır, topu yaxşı saxlayır, ehtiyatlı oynayırlar. Onların yaxşı keyfiyyətləri olan futbolçuları var.

Demək olar ki, oyunu idarə etdik. Bəzən çətinliklər olurdu. “Barselona” VAR-ın hesabına qələbə qazandı. Mən epizodu görməmişdim, çox uzaq idi.

Hədəfə çatmaq üçün bəzən tələsirik. Bu da səhvlərə səbəb olur, xallar itiririk. Yaxşı komandamız var. Çətin oyunda qalib gəlməyi bacardıq”.