Valverde jurnalistdən öyrəndi – Qrizmannın ABŞ-a getdiyini

“Barselona”nın baş məşqçisi Ernesto Valverde komandanın futbolçusu Antuan Qrizmannın Nyu Yorka səfərindən xəbərsiz olub.

Komanda.az xəbər verir ki, bu barədə “France Press” agentliyi məlumat yayıb. Belə ki, Valverde jurnalistin ona verdiyi “Qrizman nə üçün Nyu Yorka səfər edib” sualını təəccüblə qarşılayıb və bundan xəbərsiz olduğunu etiraf edib:

“Boş vaxtlar istirahət etmək üçün istifadə olunur. Qrizmann da belə dəyərləndirmək istəyib. Düzü, bundan xəbərsiz idim. Məlumat verdiyiniz üçün təşəkkür edirəm”.

Qrizmann ABŞ Milli Basketbol Liqasının (MBA) “Bruklin” – “Nyu York” matçını izləmək üçün Nyu Yorka səfər edib.