Kuman “el klasiko”dan danışdı: “Heç bir qorxum yoxdur”

“Barselona”nın baş məşqçisi Ronald Kuman La Liqanın 10-cu turunda “Real”a qarşı keçirəcəkləri oyunla bağlı fikirlərini bildirib.

Komanda.az xarici mətbuata istinadən xəbər verir ki, niderlandlı mütəxəssis, Madrid komandasından qorxmadığını deyib:

“Real”la oyun vacibdir. Bu oyunla doğru yolda olduğumuzu göstərə bilərik. Matçın start fitindən etibarən qorxmadan və qələbə arzusuyla mübarizəyə başlayacağıq. İnsanlar bizə inanırmı? Bilmirəm, amma biz özümüzə güvənirik.

Oyunun favoriti yoxdur. Matç doğma meydanımızdadır. Heç bir qorxum yoxdur”.

Bu gün keçiriləcək “Barselona” – “Real” matçı saat 18:15-də başlayacaq.